Cтенфорд университетінің студенттері Ларри Пейджа мен Сергей Бринның жобасы арқасында Google жобасы өмірге келген. Қазір Google (айтылуы: гугл) — әлемдегі ең танымал іздеу жүйесі қатарында. Айына Google 40 миллиард сауалнамаларды қанағаттандырады екен (60% әлемдік іздеу жүйесі). Яғни бұл дегеніміз әлемдегі интернет қолданушылардың он адамның алтауы Google қызметіне жүгінеді екен. Күніне 50 млн сауалға жауап табып, 191 тілге ақпаратты анық тауып береді.

Компания 1998 жылы 4 қыркүйектен бастап тұрақты жұмыс атқару үстінде. Google компаниясының қоры — 151 млрд долларға жетеді. Әлемдегі ең танымал бренд қатарында. Кезінде жоба иелері Yahoo компаниясына 1 000 000 $ сатып ал деп ұсыныс жасайды. Алайда Үahoo компаниясы бас тартады. Уақыт өте келе 2005 жылы Google компаниясының құны 80 000 000 000$, ал жылдық таза табысы 1,5 млрд долларға жеткен. Қазір Google компаниясында 20 000 адамға жуық адам қызмет жасайды.

2006 жылы атақты Youtube компаниясын 1,65 млрд американдық долларға сатып алады.
"Қазіргі таңда әлемге ең танымал сөз осы google болып отыр” — дейді тіл саласын зерттейтін мамандар.

Google атауы кездейсоқ келді десек те болады. Алғашында «googol» демекші болған. Яғни 10 ның 100 дәрежесі дегенді білдіреді. Бірақ ол домен есімі бос болмағандықтан Google атауына тоқтаған.

1941 жылдың 22-маусымы. Таңғы сағат төрт. Фашистік Германияның басқыншылық шабуылы басталды.

Кеңес Одағының шекарасына лап қойып, ес жиып үлгертпей, артилериялық қарулармен қаруланған, суық қару асынған фашистер кіріп келді. Соғыс басталды. Кеңес Одағы аспаннан жай түскендей күй кешті. Себебі Одақ мұндай жағдайға мүлдем дайын емес еді. Бірақ "Дайындалып ал!” дейтін жау бар ма?! Бірден іске көшкен Гитлердің әскері алғашқы кезде-ақ Қызыл Әскердің 1200 әскери ұшағын жойып жіберді. Оған қарсы тұратындай Қызыл Әскердің қауқары да жоқ еді. Өз халқының қанына тоймаған Сталин жасаған 1930 жылдардың соңындағы жаппай қудалау, репрессия фашистерге қарсы тұратын талай боздақтың өмірін қиды. Ер азаматтардың жетіспеушілігі мен әскери бөлімдерде деңейі төмен мамандардың болуы алғашқы ащы жеңілістерге әкеп соқты.

КСРО Қарулы Күштерінің Жоғарғы Бас Қолбасшысы болған Сталин мен оның маңайындағы жоғары лауазымдылар абдырап, сасқандарынан не істерлерін білмей қалды. Сол күйде 3-шілдеге дейін Одақ халқына назар салып, болған жәйтті халық алдында ашық мәлімдемеді.
Фашистердің шабуылынан алғаш болып Брест қамалы (Брест бекінісі), Минск, Киев, Одесса, Ленинград, Сталинград қалалары соғыс өртіне оранды. Қызыл Әскер есін жиып, қорғаныс шебіне көшкенімен, жаудың бетін қайтара алмады.

Фашистер тым қатты армандап немесе өздеріне қатты сеніп қалған болса керек, КСРО-ны бірнеше айдың ішінде жаулап алмақ ниетте болды. Алайда, Мәскеу түбіндегі кескілескен ұрыста, Сталинград, Ленинград қалалары маңындағы ұрыстарда, Кавказ бен Курс доғасындағы ұрыстарда біраз шығынға ұшыраған фашистер жаспарларының оңайлықпен іске аспайтындығын аңғарды. Ақыр соңында өздерінің жеңілісімен аяқталды.

Сұм соғыстың соңында Кеңес Одағы жеңіске жетіп, ел тынышталды. Бірақ ол жеңіс миллондаған адам өміріне, ұйқысыз-тынымсыз түндерге және Одақ экономикасының күйреуіне пара-пар болды. Жеңіс төгілген қан мен ащы тердің арқасында, тынымсыз еңбектің арқасында келді.

Брест қамалы (Белоруссияның Брест қаласы аумағында орналасқан) ең алғаш болып фашистердің шабуылына ұшырады. Кеңесәскеріне қарағанда күштері басым болған жау біразға дейін созылған шайқастардан соң Брест қамалын өздерінің қарамағына алды. Брест қамалын қорғау кезінде Қызыл Әскер қатарында 6-шы және 42-ші атқыштар дивизиясы, 17-ші шекаралық отряд, Ішкі Істер Халық Комиссариатының (НКВД) 132-ші батальонынан құралған бөлімше болды. Бөлімше 3500 солдаттың басын құрады. Олардың көбісі бекіністы қорғау-қайта басып алу кезінде болған шайқастардан қаза тапты.

Қызыл Әскер күшіне мініп, 1944 жылы 28-шілдеде Брест бекінісін қайта басып алған кезде бекініс қабырғаларындағы кірпіштерге жазылған мынадай жазуды көреді: "Өліп барамын, бірақ берілмеймін. Сау бол, Отаным!". Бұл жазу 1941 жылы 20-шілде күні жазылған екен. Оны жазған солдат фашистердің шабуылына қарсы тұрған алғашқылардың бірі болған.

1965 жылы 8-мамырда КСРО Жоғарғы Кеңесі Президиумының жарлығымен Брес бекінісіне "Батыр бекініс” деген мәртебелі атақ берілді. Сол кезден бастап Брест бекінісі "Батыр Брест бекінісі” деп те аталады
Malimetter.org

Ғарыштың негізін салушы ұлы ғалым Константин Эдуардович Циолковскийдің есімі бүкіл әлемге әйгілі.

К. Э. Циолковский Рязань түбіндегі Ижевск ауылында дүниеге келді. Әкесі орманшы болған. Бала кезінде тамақ ауруымен сыркаттанған Константин Эдуардович біржолата саңырау болып қалады.

Құлағы естімегендіктен бала гимназияда оқи алмайды да, білімін өз бетімен жетілдіреді. Ер жеткен соң мұғалім атағын алу үшін емтихан тапсырып, алдымен Калуга губерниясында, содан соң Калуга каласындағы училищелердің бірінде жұмыс істей бастайды. Міне, осы Калуга мектебіндегі физика мен математика пәнінің мүғалімі өзінің әуеде ұшу, авиация және ғарыш жөніндегі тамаша еңбектерін жазады.

Циолковскийлердіц отбасы үлкен болды. Олар мейлінше жұпыны тұрды. К. Э. Циолковскийдің Калугадағы музей үйіне барған кісілер оның карапайым ғана жұмыс бөлмесімен, ғалымның өзіне қажетті толып жатқан моделдер мен құрал-саймандар әзірлеген шеберханасымен танысады. Үй шатырын ол обсерватория етіп пайдаланды. Ол төбеге орнатылған шағын дүрбі арқылы Күн мен Айға, жұлдыздар мен планеталарға бақылау жасады. К. Э. Циолковскийдің осындай жұпыны жағдайда, шет аймақта орналасқан шағын қалашықта, ешкімнен ешқандай көмек ала алмаса да, тендесі жоқ ұлы жаңалықтар ашканына таңданбау мүмкін емес.

Тек Совет өкіметі орнағаннан кейін ғана Циолковскийдін тұрмысы жақсарып, оның жұмыс істеуіне жан-жақты жағдай жасалды. Совет үкіметі оған барынша көмек көрсетті.Атағы кеңінен таныла бастайды. Ғылымдағы табыстары жоғары бағаланған Циолковский  "Кызыл  Ту”  орденімен марапатталады.

К. Э. Циолковскийдін ең басты ғылыми еңбектері  ғарыш кемелері мен олардың ғарышқа  ұшуына  арналған. 1903 ж. ұлы ғалым өзінің " Әлем кеңістіктерін реактивтік құралдармен  зерттеу» деген мақаласында  планетааралық ұшулардың мүмкіндігін дүние жүзінде алғаш рет ғылыми  тұрғыдан дәлелдеп берді. Тек ракета емес,планетааралық кеме болатынын дәлелдеді. Ғарышқа  ұшатын ракеталарға отын үшін ол айрықша сұйық химиялық отын: сұйытылған  оттегі мен сутегін ұсынды.

Ғалым басқа еңбектерінде:ракетаны  қажетті  ғарыштық жылдамдыққа   жеткізу   үшін ракеталық поездар»  керек деп жазды.Қазір біз оларды  көп сатылы ракеталар деп  жүрміз.  Отын  жанып біткеннен кейін ракетаның бірінші сатысы одан бөлінеді де, Жерге құлайды.Екінші сатының қозғалтқышы іске қосылып, ракетаны одан әрі ілгері жүйткітеді.

К. Э. Циолковский адам ғарышта ұзақ уакыт тұрып жұмыс істейтін орбиталык ірі станциялар жасауды ұсынды.

Ғалым техника жетіле келе,сөзсіз игеріледі деп есептеді. Ол әлем кеңістігінде саналы тіршілік иелері мекендеген   планеталар көп деген сенімде  болды. Жерден шалғайда  жаткан тіршілік иелерінің даму деңгейі адамзат  ақыл-ойынан әлде- қайда  озық  болуы  да мүмкін.  Циолковский адамзаттың Күн жүйесіне барып қоныс тебуіне болатын техникалық  мүмкіндіктер жолын ұсынды.

Циолковский адамдар ғарыш кеңістігін игере отырып, өз планетасының табиғатына ерекше қамқорлык жасауды қажет деп білді. Оның шөл далаларды суландыратын аппараттардың тамаша жобаларын жасағаны,ауа  көпшігін транспорт есебінде пайдалану идеясын ұсынғаны сондықтан.

К. Э. Циолковскийдің есімі кашанда адамзаттың ұлы данышпандарының есімдерімен катар аталатын болады. Ол ғылым болашағын асқан көрегендікпен болжай білді. Циолковскийдің ракеталық техника мен планетааралық саяхаттар теориясына арналған зерттеулерін конструктарлар мен ғалымдар қазір де басшылыққа алады.Оның данышпандық идеялары зор табыспен жүзеге асуда.